गयौ तिमी साथ छोडि

गयौ तिमी साथ छोडि तिम्रै झुठो शहरमा

खाको बाचा बिर्सी गयौ ठूलाठूला रहरमा

तिम्रो पिडा लिन्छु म त, भन्थ्यौ दिन्छु सबै खुशी

आफू पियौ अमृत, पार्यौ मलाई जहरमा

जूनीजूनी सँगै जीउने मर्ने कसम खाथ्यौ

पराईसाथ गयौ मलाई छाडी बगरमा

तिम्रो लागि साँचेको थें जिन्दगीका आशा इच्छा

मनै तोडी लाग्यौ तिमी तारा टिप्न सगरमा

खुशी हुन्थें म त सानु तिम्रो साथ पाएँ भनी

सपना पो देख्या रैछु दिनको पहिलो प्रहरमा

तिम्ले साथ छोडे पनि तिम्रै खुशी चाहान्छु म

म त भएँ भैंको धुलो रम्नु तिमी महलमा ।।

२०६९ साउन